主页 > 技节咨询 >《昔日带刀侍卫沦为失分罪人 为何有这样的落差?》

《昔日带刀侍卫沦为失分罪人 为何有这样的落差?》

-请支持蓝狮 Facebook专页-《原创文章 欢迎转载 请列明出处 谢谢》《昔日带刀侍卫沦为失分罪人 为何有这样的落差?》 按此观看图片 .图片来源 : Daily Star过去两季马高斯阿朗素嘅表现相信大家都有目共睹,「带刀侍卫」之名亦係继伊云奴域后再次出现在史丹福桥,但去到今季喺球队成绩未如理想之下,阿朗素不滞嘅表现正正首当其冲,被球迷们评为「失分罪人」、「左路放题」等冷嘲热讽嘅别称,由天堂跌入地狱的背后,为何有这样的落差?马高斯阿朗素係干地上任后第一批买嘅球员,虽则唔肯定係咪意大利人心目中嘅首选,不过球员喺干地手中的确发挥得如鱼得水,随住转变为三后卫阵式,阿朗素就一直係左翼卫嘅首选,球员过往都曾经担任过哩个位置,拥有精準长传嘅左脚,处理罚球具备一定质素,同时并非底线传底强行出波嘅球员,而球员偏好进攻,经常走入禁区令佢偶有斩获,但阿朗素速度偏慢,好多时上左前助攻都番唔切后防守,要身后专注于防务嘅卡希尔帮佢执手尾,不过喺取长补短之下三后卫阵式可以话将佢嘅最大功用发挥出黎。速度问题一直都存在,年龄上要阿朗素喺哩方面再作提升未免过于困难,而沙利上任后亦将前两季嘅三后卫阵式转变为主攻嘅433阵式,将阿朗素嘅弱点表露无遗,由于球员偏好进攻嘅本性无改,引致反击回防时不断比人爆速,身后亦只有大卫雷斯补位,只要后者一主动出击进行拦截,中路就会出现更多空间比对手喺禁区起脚,鲁迪加一人亦都无力阻挡太多,喺一连串连贯性嘅影响下成条防线可以话「牵一髮而动全身」。其实喺干地上任初期继续维持4231阵式果时都睇到阿朗素打左闸位係有问题,如果以现有嘅人脚配置,其实上季加盟嘅艾马臣打哩个位嘅正选会比起前者理想,至少喺速度上哩位巴籍意人依然好气好力,回后喺速度上都追到对手或者帮队友补位,但沙利认为阿朗素喺处理罚球以及防守死球方面较为出色所以一直以正选出赛,明显指出艾马臣身高上得不到优势,但哩个理由实在令唔少球迷不解。过去两季阿朗素为球队所拎到果两个奬盃绝对可以话有功有劳,但今日变成球迷眼中嘅过街老鼠实在有点不公,持平啲讲佢喺场上嘅表现无论直接定係间接引致球队失分,主帅亦都责无旁贷,尤其係沙利清楚知道问题嘅存在而唔肯尝试作出改变,继续让球员喺场上「出丑」被球迷指责,可以话将责任嘅着眼点推卸。昔日带刀侍卫沦为失分罪人,唔希望见到马高斯阿朗素同当日伊云奴域一样有着「放题」之称号而黯然离开,但如果真係发生的话沙利本人也绝对难辞其咎。文章最后更新时间 : 22/1/2019 14:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关推荐